自爆「無殼」寧投資股債 路勁單偉彪嫌港樓貴 地產新聞 2017-05-10 02:16:41
路勁基建（1098）2月夥拍中資平保（2318）旗下的平安不動產，奪得港島區近30來年首個鐵路項目、黃竹坑站第一期。但問到如何睇香港樓市，路勁執董單偉彪卻自爆6、7年前已沽自住樓，現月花10餘萬元租樓住。但他稱非睇淡樓市，更「睇唔到樓價會跌」。
記者：方楚茵
近期不少富豪、富二代均以「首置」身份入市，單偉彪卻反其道而行，強調自己無「首置」需要。
他稱不再入市，並非因睇淡樓價，而是認為買港樓成本高，但回報卻僅得1至2厘，並不化算，故才將本錢轉投更高息的股債市場。加上港樓太貴，「你攞十分之一嘅錢去美國買好靚嘅樓啦，陰公！嗰到千幾呎，好鬼平，幾十萬美金咋！」
港樓市「父資產」太多
連單偉彪都嫌港樓貴，但市場仍有很多買家「未驚過」。單認為關鍵在於「父資產」太多：一如中原主席兼總裁施永青所指，一眾靠「父幹」的新買家湧住入市，因他們預期樓價數年內難跌，又覺得加息「有排啦」，供樓壓力暫時仍算細，故造成入市浪潮。
近期中資高價搶地，成了「程咬金」托住樓價。是否造成恐慌性入市原因？單偉彪認為，市場是「等兩年又升少少，所以仲衰呀！焗現時買咗先。」他認為入市買新盤唯一好處是銀行肯低息借錢，「按七成，即係三蚊投資變十蚊」。
然而，息口雖然加得慢，但始終會加；供應高峯雖未殺到，但數年內總會到臨。對此單偉彪笑言：「人係好短視嘅，就算有一代人領教過，下一代人未有呢個經驗。就算領教過呢都好易唔記得咗，人係好樂觀嘅動物，好易唔記得咗失敗嘅嘢。」
他又指出，大家都是傾向「吹自己叻嗰啲、賺咗幾多錢，但永遠唔提蝕本嗰個咋！」亦可能因此「我哋種族先可以延伸到現時」。
不信林鄭可大增供地
自言毫不後悔沽貨的單偉彪，卻又夥拍平安不動產拿下黃竹坑站第一期住宅發展項目，這是否自相矛盾？單解釋，市場上雖有很多雜音，但如作為開發商而非投資者角色，則只需睇香港人口及對住宅需求、息口低，以及資金充裕這三項因素，即足以支持樓價。「呢一刻我唔睇跌，但我唔敢講升幾多。」
單認為，除非林鄭新政府上台後，不斷以現時速度推地，惟由建築至售樓周期長達4、5年，故至少要數年後才會睇樓價跌，他亦不信林鄭可突然大增公屋、供地。
本文轉載自【蘋果日報】
今日熱門文章
2023年1月份財務市場風險報告
市場資訊 2023-01-11 18:35:59
2022年11月份財務市場風險報告
市場資訊 2023-01-11 18:21:52
二手轉靜 交投插水
地產新聞 2024-05-09 13:25:28
鄧成波家族兩舊樓遭銀主拍出 貶近五成
地產新聞 2024-05-08 15:17:54
二手樓連環見紅
地產新聞 2024-05-07 14:02:32
